منتديات تسنيم
  #1    
قديم 15 - 08 - 2013, 20:04
ضـــيـــف
:: زائــــــر ::
         
 
افتراضي حلم رعبنى


انا كنت بدرس في بلد تانيه غير محافظتى وكنت قاعده لمده سنتين مع واحده في السكن وكانت مش طبيعيه كانت بتصلي اه وبتحافظ عالفروض كلها وقيام الليل كمان بس كانت بتعمل حاجات مش طبيعيه ..بتكلم ناس مش موجودين خالص وكانت بتعيط كتير اوى اوى وبعد كده عرفت انها مصابه بالفصام واهلها جم اخدوها وده من زمان اوى وكانت اكبر منى ومبتتخطبش..الموضوع ده عدا عليه سنين كتير...ونمت من شويه وحلمت انى بنضف الحمام بتاعنا وبعدين لاقيت حاجات بتظهر فيه وحاجات بتختفي ولاقيت اتنين بانيو وواحد فيهم فيه جردل مليان ميه لاقيته الله يعزكم مليان ميه مش نضيفه لونها غامق وريحيتها وحشه زي الي متخزنه بقالها كتير فضيته في البانيو وروحت ناحيه البانيو التانى لاقيته اختفي روحت رايحه نادها لامى وقولتلها الحمام بتحصل فيه حاجات غريبه يبقي الحمامده مسكون يلا تعالي لمى هدومى منه ويلا بينا نقفله ومندخلوش تانى...بجيب هدومى من ورا بابا الحمام لاقيت بلوزه بتاعتى مربوطه في بلوزه لللبنت الي فالحقيقه كانت معايا زمان فالسكن وفضلت افك فالعقده كتير اوى لحد ما اتفكت وامى قالتلي ارميها فالشارع او لمارمتها راحت لازقه علي سور البلكونه روحت جاريه جايبه مكنسه وشلتها من السور اول مااتشالت من عالسور وطارت فالهوا لاقيناها اتفردت وظهرت في البلوزه دي البنت وكانت بتبصلنا زى الي لابستها فجاه ووقفه قدامنا فالهوا واحنا فالبلكونه اناوامى مرعوبين فضلت تقولنا انا عملتلها عمل عشان متتجوزش وتبقي زيي ..هيا كانت فاكرا نفسها عظيمه وهيا ولا حاجه وفضلت تعلي في صوتها وتقول مش هتتجوزى بسبب العقده الي عملتهالك وانا كل الي عليا انى بقول اعوز بالله من الشيطان الرجيم اعوز بقدره الله من الشياطين اعوز بالله من الشيطان الرجيم لحد ما البنت دي اختفت ورمين نفسي في حضن امى وقالتلي زكائك خانك ازاى مجاش في بالك ان العمل الي معمولك البنت دي الي عملاهولك....بس كده مادام انتى فكيرتى هدومك من هدومها وفكيتى العقده يبقي ان شاء الله هتتجوزى وكده خلاص..وصحيت من النوم وانا مرعوووووووووبه يارب حد يدلنى مع العلم انى اتخطبت كتيروكل مره ميحصلش نصيب وانا دلوقت مخطوبه ...وربنا يسترها معايا ....



  
رد مع اقتباسإقتباس
للتبليغ عن المواضيع / الردود المخالفة يرجى إستخدام خاصية التبليغ و ذلك بالضغط على الأيقونة ( أيقونة التبليغ عن المخالفات ) الموجودة أعلى كل مشاركة، شكراَ لتعاونكم.
قديم 15 - 08 - 2013, 20:25   #2   

بنت اسيا غير متواجد حالياً
افتراضي رد: حلم رعبنى


بسم الله الرحمن الرحيم

العقدة ، والبانيو ، يدلان على الركود وعدم تغيير الاحوال

والماء الفاسد يدل على الكدر والهموم

ولكن فك العقدة يدل على تفريج الهموم ، واختفاء البنيو ايضا

والكلام قد يدل على ما هو ، قد يوجد من يسحر لك

اما رؤية المجنونة تدلر على الاعمال التى تدخل الجنة

اما الاستعاذة تدل على الامان من العدو ، والامان من الشريك الخائن

وهى شفاء لمن يصارع الجن ، وتدل على كثرة الرزق

والله اعلم

فكك للعقدة اطمئنان لك من الحلم
ان شاء الله ربنا ينجيك من اى شر
فلا تخافى ان شاء الله واطمئنى


  
رد مع اقتباسإقتباس
إضافة ردإضافة رد جديد

الكلمات الدلالية (Tags)
رعبنى


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



المواضيع والمشاركات المنشورة تعبر عن رأي كاتبها, ولا تتحمل إدارة المنتدى أي مسؤولية تجاهها.

الساعة الآن 06:54



Powered by vBulletin® Copyright ©2000 - 2014, Jelsoft Enterprises Ltd.
Search Engine Optimization by vBSEO 3.6.0
new notificatio by 9adq_ala7sas

أفضل متصفح يناسب ستايل المنتدى هو Mozilla Firefox
Ar - Fr - En